نتيجه مباراه بيراميدز وسموحه

 طريقه حرق 4 نسخ ويندوز علي فلاشه واحده

طريقه حرق 4 نسخ ويندوز علي فلاشه واحده

وفي الشرح دا إن شاء الله استخدم برنامج وين ساتب فروم يو اس بي. هذا الإصدار الأخير من البرنامج يتحمل على هيئة ملف مضغوط تفك الضغط عنه كليك يمين واختر الامر Extract Here بعد كدا يظهر فولدر البرنامج.

 أفتح الفولدر هتلاقي عندك نسختين من البرنامج نسخة الويندوز اثنان وثلاثين بت ونسخة الويندوز أربعة وستين.اختر النسخه علي حسب نظامك.

عندنا أربع نسخ ويندوز هما ويندوز xp ويندوز 7 وويندوز8 ويندوز 10. عايزين نحرقهم علي فلاشه هنستخدم برنامج واين ساتب فروم يو اس بي.WinSetupFromUsb.

حرق 4 نسخ ويندوز ببرنامج وين ساتب فروم يو اس بي WinSetupFrom Usb

عشان نحرق الاربع نسخ علي الفلاشه لازم يكون عندنا:

                                                برنامج وين ساتب فروم يواس بي WinSetupFromUsb
                                                              برنامج باورايزو PowerIso
                                                              فلاشه بحجم لايقل عن 16 جيجا

شرح بالصور حرق نسخه ويندوز اكس بي علي فلاشه ببرنامج واين ساتب فروم يواس بي WinSetupFromUsb

اولا:نفتح برنامج واين ساتب فروم يواس بي كما في الصوره وهنا البرنامج لم يكتشف الفلاشه

ثانيا: نضع الفلاشه في الكمبيوتر هتظهر لنا في البرامج كما هو مشار اليه باللون الاحمر واذا لم تظهر اضغط علي زر Refresh

ثالثا:اضغط داخل المربع المشار اليه باللون الاخضر كما هو مبين في الصوره لعمل فورمات للفلاشه

ثم اختار نوع الفورمات اما Fat32 او NTFS الافضل انك تختار ntfs لكي تكون عمليه الحرق اسرع ويكون تسطيب الويندوز يكون ايضا اسرع.

بعد كده اضغط علي زر GO المشار اليه في الصوره باللون الازرق. لتبدء عمليه الفورمات للفلاشه .

رابعا:بعد الضغط علي زر GO هتفتح نافذه كما بالصوره تعرفك ان كل ما علي الفلاشه هيتحذف اضغط OK

بعد الفورمات ما ينتهلي هتفتح نافذه صغيره اضغط OK

خامسا:نعلم علي الخيار الموضح في الصوره Advanced Option هتفتح لنا النافذه الجانبيه 

نعلم علي الخيار المشار اليه باللون اخضر في الصوره ثم نغلق النافذه

سادسا:أنا باجي هنا عند أول اختيار ويندوز ألفين ويندوز إكس بي بعلم على الاختيارالمشار اليه باللون الاحمر فيالصوره  وبعد كدا بضغط علي الزر المشار اليه باللون الاخضر في الصوره عشان اختار نسخه ويندوز الاكس بي دوس هنا عشان أختار الويندوز الإكس بي. بالنسبة لويندوز إكس بي البرنامج للأسف مش هيقرأها ازاي أحل المشكلة ده إني أنشئ قرص وهمي واعمل استخراج لملفات الوندوز بداخل القرص الوهمي.

 

طريقه عمل قرص وهمي

1. نروح علي نسخه الويندوز ونضغط كليك يمين عليها 
2. نختار PowerIso كما هو مبين في الصور باللون الاحمر
3. هتخرج لنا قائمه نختر منها Mount Image to drive H
4. هينشأ لنا الويندوز قرص وهمي 
5. افتح This PC هتجد القرص وواخد الرمز H وباخل القرص الوهمي ملفات الويندوز

سابعا: هنرجع تاني للبرنامج ونضغط علي المربع المشار اليه باللون الاخضر ونروح علي This PC ونختار القرص الوهمي H

القرص الوهمي كما هو مبين في الصوره باللون الاحمر نختاره وهوه بداخله نسخ الويندوز اكس بي. وبعد كده نضغط علي الزر GO لتبدء عمليه الحرق

ثامنا: تبدء عمليه الحرق كما هو مبين في الصوره نصيحه مهمه قبل البدء في الحرق لازم تقفل برنامج الانتي فايرس لانه ممكن يحذف ملفات من نسخه الويندوز اثناء الحرق وكمان بيبطء عمليه الحرق.

 شرح بالصورحرق نسخه ويندوز 7 علي فلاشه ببرنامج واين ساتب فروم يواس بي WinSetpFromUsb

اولا:  بعد وضه الفلاشه في الجهازنفتح برنامج واين ساتب فروم يو اس بي

ثانيا: قم بالضغط علي المربع المشار اليه باللون الاحمر في الصوره لوضع علامه

ثالثا: اضغط علي الزر المشار اليه في الصوره باللون الاخضر

رابعا: قم باختيار نسخه ويندوز 7

خامسا: اضغط علي الزر GO لتبدء عمليه الحرق الثانيه علي نفس الفلاشه

شرح بالصور حرق نسخه ويندوز 8 ببرنامج واين ساتب فروم يواس بيWinSetuoFromUsb

اولا: بعد ادخال الفلاشه في الجهاز افتح برنامج واين ساتب يواس بي هتلاقي البرنامج قرء الفلاشه

ثانيا: ضع علامه صح في المربع المشار اليه في الصور باللون الاحمر 

ثالثا:اضغط علي الزر المشار اليه باللون الاخضر 

رابعا: اختر نسخه ويندوز 8.1

خامسا:اضغط علي زر GO لتبدء عمليه الحرق الثالثه 

شرح بالصور حرق نسخه ويندوز 10 ببرنامج واين ساتب يواس بي WinSetupFromUsb

اولا: بعد وضع الفلاشه داخل الجهاز نفتح برنامج وين ساتب فروم يواس بي

ثانيا:نضغط علي المربع المشار اليه باللون الاحمر في الصوره

ثالثا:نضغط علي الزر المشار اليه باللون الاخضر

 خامسا: نختار نسخه ويندوز 10

سادسا: نضغط علي زر GO لتبدء عمليه الحرق الرابعه والاخيره

وفي الختام ارجو ان اكون بسط لكم الشرح ووضحته بطريقه سلسه.